زندگی سچ جھوٹ ، اچھائی برائی، اونچ نیچ سے وابستہ ہے - اس کا یہ مطلب نہیں کہ ایک ہی شخص سچا بھی ہے اور اس کے ساتھ ساتھ وہ جھوٹ بھی بولتا ہے -شریف اور پرہیزگار بھی ہے ، اور بد دیانت بھی ، ایسا نہیں ہو سکتا - جو سچا ہے تو وہ سچ ہی بولے گا - لیکن اس حوالے سے اہم بات یہ بھی ہے کہ جو جھوٹا ہے وہ سچ بھی بول سکتا ہے - ہمارے بابے کہتے ہیں کہ کسی کافر سے اس کے کافر ہونے کی وجہ سے نفرت نہ کرو ، بلکہ اگر آپ کا مزاج اس کے قریب جانے کو نہیں کرتا تو اس کے کفر کے وجہ سے ایسا کرو - ہمدردی اور محبّت کا حقدار انسان ہوتا ہی ہے - ایک کافر کل کو مومن کامل اور کل کو خدا کا قرب حاصل کر سکتا ہے اور یہ نہ ہو کہ آپ اس کے کافر ہونے پر اس سے نفرت کرتے رہو -

از اشفاق احمد زاویہ ٣ ضمیر کا سگنل پیج ٢٢٩